AA

பில் வில்சன் மற்றும் பாப் ஸ்மித் என்பவர்களால், 1935 ஆண்டு மதுப் பழக்கத்திலிருந்து மீண்டவர்களுக்கும், அவ்வாறு மீளவிரும்புபவர்களுக்கு உதவி செய்வதற்குமாக ஆரம்பிக்கப்பட்ட பரஸ்பர ஐக்கியக்குழு. அமைப்பு ரீதியான அடையாளங்களை இக்குழுவினர் தவிர்த்தாலும், உலகம் முழுமையிலிருந்தும் 20 இலட்சத்திற்கு அதிகமான உறுப்பினர்களைக் கொண்டு, வெளி நிதியுதவி இல்லாமல், உறுப்பினர்கள் பங்களிப்புடன் செயல்படும் அமைப்பிது. மதுப் பழக்கத்திலிருந்து மீள்வதற்கான சிகிச்சையை எடுத்துக்கொண்ட பிறகு, மீண்டும் குடிப்பழக்கத்திற்கு ஆளாகும் சூழலிலிருந்து மீளவும், மதுவினால் ஏற்பட்ட மனநலப் பிரச்சினைகளைக் குணப்படுத்தவும், மீண்டும் சீர்கேடடைவதைத் தடுக்கும் ஆற்றலை வளர்த்துக் கொள்ளவும், குழுவாகக் -கலந்துரையாடுவதன் மூலம் பரஸ்பர உதவி செய்வதும் இந்த அமைப்பின் அணுகுமுறை. மது அருந்துவோர் அதிலிருந்து மீண்டு சுயநினைவுடன் வாழ உதவுவதே இந்த அமைப்பின் வெற்றிக்குக்குக் காரணம். இந்த அமைப்பின் பெரும்புத்தகத்தில் (The Big Book) குறிப்பிடப்பட்டுள்ள பன்னிரண்டு படிகள் (Twelve Step program) என்ற வழிகாட்டி முறை 'சமயச் சார்பற்ற உள்ளொளி வளர்த்து ஆளுமையை வலுப்படுத்த' உதவுகிறது. இந்த அமைப்பின் பன்னிரண்டு மரபுகள் (Twelve Traditions) ஐக்கிய பாவனையுடன் செயல்பட்டு, தேவைற்ற வெளி விவகாரங்களில் தலையிடாதிருக்கும் மனோபாவத்தை அளித்து, ஸ்திரமான மனம் பெற உதவுகிறது.