American Association of Retired Persons (AARP)

ஓய்வு பெற்றவர்களுக்கான அமெரிக்க சங்கம் எதல் பெர்சி ஆன்றஸ் என்பவரால் 1958 ஆம் ஆண்டு ஆரம்பிக்கப்பட்ட, 50 வயதைக்கடந்தவர்களை உறுப்பினர்களாகக் கொண்ட அமைப்பு. 3.8 கோடி உறுப்பினர்களைக் கொண்ட அமெரிக்காவின் மிகப்பெரிய சமூக, அரசியல் முக்கியத்துவம் பெற்ற அமைப்பு. இந்த அமைப்பு இரு பிரிவுகளாக செயல்படுகிறது. AARP சேவைகள் (AARP Services) என்பது இலாபநோக்குடன் மருத்துவக் காப்பீடு, ஆயுள் காப்பீடு, வாகனம் மற்றும் இல்லக் காப்பீடு போன்ற சேவைகளிலும், மருந்துகள் மற்றும் நுகர்வோர் பொருட்கள் மற்றும் தயாரிப்பாளர்களை பரிந்துரைப்பது, சுற்றுலா ஏற்பாடு போன்ற வர்த்தக சேவைகளில் ஈடுபடுகிறது. AARP அறக்கட்டளை (AARP Foundation) எந்தவொரு முதியோரும் இடர்ப்பாடில்லாத வாழ்க்கை வாழ்வதற்கேற்ற வறுமையற்ற நாட்டை உருவாக்கத் தேவையான கொள்கைகளை வடிவமைப்பதற்கேற்ப அரசியல் அழுத்தம் கொடுக்கும் செயல்பாடுகளில் ஈடுபடுகிறது.