COS

இவைதான் தற்காலத்திய சேவா நிறுவனங்களின் முன்னோடி. முதல் அறக்கட்டளை சங்கம் 1869 ல் லண்டனில் ஆரம்பிக்கப்பட்டது. அமெரிக்காவின் முதல் அறக்கட்டளை, 1877 ஆம் ஆண்டு நியூயார்க் நகரில் ஆரம்பிக்கப்பட்டது. அதைத் தொடர்ந்து பல நகரங்களில் அறக்கட்டளைகள் ஆரம்பிக்கப்பட்டு, தன்னார்வத் தொண்டர்கள் மூலம் நிர்வகிக்கப்பட்டது. ஆரம்பத்தில் இவர்கள் 'நட்பார்ந்த வருகையினர்' (friendly visitors) என்றழைக்கப்பட்டனர். இந்த நட்பார்ந்த வருகையினர் பின்னாளில் பயிற்சிகளின் மூலம் பரிணாமமடைந்து, சமூகப் பணியாளர்கள் ஆனார்கள். அரசாங்கம், மக்களின் பொருளாதார சமூகப் பாதுகாப்பில் அக்கறை கொண்டு அதிக நிதி ஒதுக்கீடு செய்ய ஆரம்பிக்க, அப்பொழுது உருவான குடும்பங்களுக்கான சேவை (Family Service America (FSA) அமைப்புகளுடன் அறக்கட்டளைகள் ஒருங்கிணைக்கப்பட்டன.