CPT

அமெரிக்க மருத்துவக்கழகத்தால் மருத்துவர்களின் நடைமுறைகள், செயல்முறைகளை ஒரே மாதிரியான பொருளில் புரிந்துகொள்ள உருவாக்கப்பட்ட காப்புரிமை பெற்ற குறியீட்டுச் சொற்கள். மருத்துவம், அறுவைச் சிகிச்சை, நோய்கண்டறிதல் சேவைகளில் மருத்துவர்கள், குறியீடு தொகுப்பாளர்கள், நோயாளிகள், மருத்துவ சேவைகளுக்கானா தர மதிப்பீட்டாளர்கள், மருத்துவப்பணிகளுக்கான நிர்வாகத்தினர், நிதி மேலாண்மையினர் மற்றும் பகுப்பாய்வு செய்பவர்கள் போன்ற அனைவரும் ஒரே பொருளில் புரிந்துகொள்வதற்கான சொற்கோவை. 1966 ஆம் ஆண்டில் அறிமுகப்படுத்தப்பட்ட இந்தக் குறியீட்டு சொல் வழக்கம், ஆண்டுதோறும் இதற்கென நியமிக்கப்பட்ட நிபுணர் குழுவால் பரிசீலிக்கப்பட்டுத் திருத்தம் செய்யப்படுகின்றது. பொது மருத்துவத்திற்கான சொற்கள் போன்று, மனநோய்க்கென தனிக் குறியீட்டுச் சொற்களும் (Procedural Terminology for Psychiatrists (PTP) வழக்கத்தில் உள்ளன. மருத்துவப் பணியில் இல்லாத வேறு எவரும் இந்தச் சொற்களைத் தங்களுடைய அறிக்கையிலோ, சேவைகளிலோ பயன்படுத்தலாகாது என்ற நெறிமுறையும் உள்ளது.