disposition

ஒருவரின் இயற்கைப் பண்புகள் என்று பொதுவான பொருள் கொள்ளப்பட்டாலும் சமூகப்பணியில் இதை முன்னேற்பாட்டமைவு என்ற பொருளிலும் உபயோகப்படுத்தப்படுத்துகின்றனர். மருத்துவ மனையிலோ அல்லது பிற சேவை நிறுவனங்களிலோ சிகிச்சை பெற வந்த நோயாளிகள் / பிரச்சனையோடு வந்த வாடிக்கையாளர்கள் சிகிச்சை முடிந்து / உதவி பெற்ற பின், தங்களை எவ்வகையிலெல்லாம் சுயமாகப் பராமரித்துக் கொள்ளமுடியும் என்பதற்கு ஆலோசனை சொல்லி, அவர்களைத் தங்களின் தொடர் கண்காணிப்பிலிருந்து சமூகப்பணியாளர் விடுவிக்கும் நிலை. விடுவிப்பதற்கான திட்டமிடலை முறையாகச் செய்யும் போது, வாடிக்கையாளர் / நோயாளி தன்னுடைய பிரச்சனையையும் அதன் தன்மையையும் புரிந்துகொண்டு, தான் பின்பற்ற வேண்டிய நடைமுறைகள் தெரிந்துகொண்டு, அதற்கேற்றபடி தன் நடத்தை / மனப்பாங்கை மாற்றிக்கொள்ளவும், எங்கிருந்தெல்லாம் உதவி பெற முடியும் என்பதைத் தெரிந்துகொண்டு வெளியேறுவார். இதை நிறைவேற்றத் திட்டமிடல், பொறுப்பு நீங்கத் திட்டமிடல், சிகிச்சை முடித்து நோயாளிகளை விடுவிப்பதற்கான திட்டமிடல், விடுவித்தலுக்கான திட்டமிடல் (Discharge planning) என்ற வார்த்தையாலும் குறிப்பிடுவார்.