formal operations stage

மனிதரின் அறிதல் திறன் நான்கு நிலைகளில் ஏற்படுவதாக ஜீன் பியாஜியே கண்டறிந்தார். அவையாவன 1. தொட்டுணர்வதால் ஏற்படும் அறிவு வளர்ச்சிப் பருவம் அல்லது புலன் இயக்கச் சிந்தனை வளர்ச்சி (sensorimotor stage - birth to age two - பிறப்பிலிருந்து 2 வயது வரை). இந்தப் பருவத்தில் பல்வேறு பொருட்களை / தன்னைச் சுற்றியுள்ள உலகை, மொழி உதவியின்றி புலன்களின் வழியேயும், உடலியக்கங்கள் வழியும் அறிந்து கொள்வது. 2. முற் சிந்தனை வளர்ச்சி இப்பருவத்தில் குழந்தைகள் சிந்திக்க ஆரம்பித்திருந்தாலும், எல்லாவற்றையும் தேவைகள், பயன்களுக்கு ஏற்பப் பொருள் கொண்டு, மற்றவர்களின் தருக்கங்களை / நியாயங்களை புரிந்துகொள்ளமுடியாது (pre operational stage 2. வயதிலிருந்து 7 வயது வரை) 3. பருப்பொருள் சிந்தனை வளர்ச்சி அவர்களால் உருவுள்ள ஸ்தூலமான சிந்தனைகளைப் புரிந்துகொள்ள முடிந்தாலும், அதிலிருந்து பெறப்பட்ட அனுபவங்களிலிருக்கும், பிறரின் சிந்தனையிலிருக்கும் மறைபொருளையும், அனுமானங்களையும் புரிந்து கொள்ள இயலாது (concrete operation stage- 7 வயதிலிருந்து 11 வயது வரை) 4. முறையான சிந்தனை வளர்ச்சி இப்பருவத்தில் தருக்க (logic) அறிவையும், ஊகித்தறியும் திறனையும், ஒன்றிலிருக்கும் மறைபொருளையும் அறியும் திறன் மேம்படும்.(formal operation stage - 11 வயதிற்கு மேல்) இந்த நான்கு நிலைகளிலும் அறிவிற்கான அடிப்படை கட்டுமானக் குறியீட்டுத் தொகுதிகள் (schemas) எப்படி உதவுகிறது என்பதையும், அது ஒரு வளர்ச்சி நிலையிலிருந்து இன்னொரு நிலைக்கு எப்படி மாற்றி அமைக்கப்படுகின்றன என்பதையும் அவர் விளக்கினார்.