intelligence

நுண்ணறிவு (Intelligence) என்பது, திட்டமிடுதல், பிரச்சினைகளுக்குத் தீர்வுகாணல், சிந்தித்தல் (எண்ணங்கள் பெறப்படும் விதம்), எண்ணக் கருக்களையும் மொழியையும் விளங்கிக்கொள்ளல், கற்றல் (அறிவை, பழக்கங்களை, செயற்திறனை புதிதாகப் பெற்றுக்கொள்ளல் அல்லது ஏற்கனவே பெற்றவற்றை மேம்படுத்திக் கொள்ளல்) போன்றவற்றுக்கான திறன்களை உள்ளடக்கிய மனம் (மனமென்பது, சிந்தனை, நோக்கு, உணர்ச்சி, மன உறுதி, கற்பனை போன்றவற்றில் வெளிப்படுகின்ற அறிவு மற்றும் உணர்வுநிலை சார்ந்த அம்சங்களின் தொகுப்பு) சார்ந்த திறமைகளைத் தழுவி அமைந்த, மனத்தின் ஒரு இயல்பாகும். நுண்ணறிவு என்பது சில சமயங்களில், பரந்த பொருளில் நோக்கப்பட்டாலும், உளவியலாளர்கள், இதனை ஆக்கத்திறன், ஆளுமை, அறிவுநுட்பம் (wisdom), ஒருவரின் சிறப்புப் பண்புகள் என்பவற்றிலிருந்து வேறுபட்ட ஒன்றாகவே கருதுகிறார்கள்.