introjection

தனதாக்கல் என்பது உளப்பகுப்பாய்வில் பயன்படுத்தபடும் சொற்பிரயோகம். இது அடையாளம் காணப்பட்ட பல உளப்பாதுகாப்பு முறைகளில் ஒன்று. பிரதிச் செயல் (இல்லாத ஒன்றை வேறு ஒன்றால் ஈடுகட்டல் - compensation), பிரச்சனையைப் பார்க்க மறுத்தல் (denial), பிறர்மீது பழிசுமத்தல் (displacement), விலகியிருத்தல் (dissociation), அடையாளப்படுத்தல் (identification), தன்வயமாக்கல் (introjection), பிறவயமாக்கல் (projection) போன்ற உளப்பாதுகாப்பு முறைகளில் ஒன்று. தனதாக்குதல் என்பது மனிதர்களதோ அல்லது பொருட்களதோ பண்புகளை உள்வாங்கிக்கொள்ளல். அடையாளப்படுத்தல், இணைத்தல், உள்வாங்குதல் (internalization) போன்ற செயல்பாடுகள் இதன் பொருளோடு சம்பந்தப்பட்டதென்றாலும், அதிலிருந்து சற்று வேறுபட்டது. இது ஆழ்மனதில் அடக்கிவைக்கப்பட்ட எண்ணங்களிலிருந்து விடுவித்து தற்கவர்ச்சியிலிருந்து (autoerotic) மனதை விரிவாக்கி, மேல்மனதை (அதியகம் - Super ego) விரிவாக்கும் தன்மை கொண்டது.