multiple tic disorder

நடுக்கக் கோளாறுகள் என்பது திரும்பத் திரும்ப வரும் ஒத்திசைவற்ற தசை இயக்க நடுக்கங்களாக மற்றும் குரல் நடுக்கங்களாக வெளிப்படும். நடுக்க நோய்கள் பார்வைக்கு புலப்படா வகையில், வயிற்றுத் தசை இறுக்கம், பெருவிரலில் கடுகடுப்பு போன்றவையும், கண்ணடித்தல், தொண்டைக் கணைப்பு போன்ற அறிகுறிகளும் தென்படும். இந்த வலிப்புகள், ஒழுங்கற்ற முறையில் திரும்பத் திரும்ப விரைவாக உதறலுடன் செய்யப்படும் உடலசைவுகள் (chorea), தானாயியங்குந் தசைச் சுருங்கல், வலியேற்படுத்தும் தசைச் சுருக்கம், தசை வலித் துடிப்பு (dystonia), ஆட்டிச நோயாளிகளுக்கு ஏற்படும் நடுக்கம் போன்றவற்றிலிருந்து வேறுபட்டது. இந்த நடுக்கச் சீர்கேடுகளும் பலவகைப்பட்டது. குறுகியகால நடுக்கச் சீர்கேடு, நாள்பட்ட மோட்டார் அல்லது குரல் நடுக்கச் சீர்கேடு, ஒருங்கிணைந்த குரல் மற்றும் பல மோட்டார் (இயக்க) நடுக்கச் சீர்கேடு [கில்லஸ் டெ லா டூரெட்], பிற நடுக்க சீர்கேடுகள், வகைப்படுத்தமுடியாத நடுக்க கோளாறு என்று பலவகைப்படும்.