National Crime Victimization Survey (NCVS)

இது அமெரிக்க அரசின் நீதித் துறையால், ஒவ்வொரு வருடமும் அமெரிக்காவில் நடக்கும் குற்றச் செயல்களைப் பற்றியும், அதன் தன்மைகள் பற்றியும் வெளியிடப்படும் ஆண்டறிக்கை. இது காவல்துறையினரால் பதிவு செய்யப்பட்டு, அதைத் தொகுத்து வெளியிடும் மையப் புலனாய்வுத் துறை (Federal Bureau of Investigation's (FBI's) வெளியிடும் அறிக்கைகள் போலல்லாது, 12 வயதைக் கடந்த அமெரிக்கர்களிடம், காவல் துறையினரால் பதிவு செய்யப்படாத, அவர்களால் குற்றமென்று கருதப்பட்ட நிகழ்வுகளை பல அடுக்கு மாதிரி புள்ளிவிவரக் கணக்கெடுப்பின்படி (stratified random sample) எடுக்கப்பட்ட பேட்டிகளின் மூலம் திரட்டப்படும் தகவல்களைக் கொண்டது. இந்த தேசியக் கணக்கெடுப்பின் மூலம் 50 சதவீத வன்முறைக் குற்றங்களும் 60 சதவீத பிற குற்றங்களும் காவல் துறையினரிடம் புகார் செய்யப்படுவதில்லை என்று தெரிய வருகிறது.