Social Health Index

பதினாறு காரணிகளை மையப்படுத்தி அமெரிக்க அரசு ஆண்டு தோறும் தயாரித்து வெளியிடும் சமூகச் சுகாதாரக் குறியீட்டெண் அல்லது பொதுநலக் குறியீட்டெண் போன்று இப்பொழுது பல நாடுகளும், அந்தக் காரணிகளை உபயோகப்படுத்தியோ, சிலவற்றைச் சேர்த்தோ அல்லது விலக்கியோ பொதுநலக் குறியீட்டெண்களைத் தயாரிக்கின்றது. சமூக ஆரோக்கிய குறியீட்டெண்களைத் தயாரிக்க கீழ்கண்ட காரணிகள் உபயோகப்படுத்தப்படுகிறது. 1.சிசு மரண விகிதம், 2. பள்ளி இடைநிற்றல், 3. போதைப் பழக்கம் 4. வேலைவாய்ப்பு விகிதம் 5. சராசரி மாதாந்திர வருவாய், 6. ஆதரவற்ற, வறுமை வயப்பட்ட முதியவர்கள், 7. ஏழை பணக்காரரிடையே ஏற்றத்தாழ்வு 8. குழந்தைகள் மீதான வன்முறை, 9. சொந்தமாகச் செய்யும் மருத்துவச் செலவுகள், 10. வேலையின்மை, 11. வீடற்ற நிலை, 12. பொதுச் சுகாதாரம், 13. குற்ற நிகழ்வுகள், 14. கல்வி மற்றும் பிற காரணிகள் சமூகச் சுகாதாரக் குறியீட்டெண் தயாரிக்கப் பயன்படுகிறது.