trust versus mistrust

மனித வளர்ச்சி நிலைகளைப் பல்வேறு உளவியலாளரும் பல கோணங்களில் ஆராய்ந்து கருத்துக்களை வெளியிட்டுள்ளனர். அறிவு வளர்ச்சியைக் கருத்திற்கொண்டு பியாஜேயும், உளப்பகுப்பு நிலையினை அடிப்டையாகக் கொண்டு சிக்மண்ட் பிராய்டும், ஒழுக்க நிலையினைக் கருத்திற் கொண்டு கோல்பேர்க்கும், உள-சமூகவிருத்தி நிலையினைக் கொண்டு எரிக்சனும் விளக்கியுள்ளனர். மனிதன் வாழ்நாள் முழுவதும் இந்த உலகத்துடன் இணைந்து செயலாற்றுவதால் ஏற்படும் வளர்ச்சியை எரிக்சன் எட்டு படிநிலைகளில் விளக்குகிறார். அவர் வகுத்த எட்டு வாழ்க்கை நிலைகள் 1. நம்பிக்கையும் அவநம்பிக்கையும் - trust versus mistrust (1-2 வயது), 2. தன்னியக்கமும் (சுதந்திரமாக இயங்குதல்), தயக்கமும், நானக்கேடும் - autonomy versus shame and doubt (2-4 வயது), 3. முன்முயற்சியும் குற்ற உணர்வும் - initiative versus guilt (4-6 வயது) 4. விடாமுயற்சியும் தாழ்மை உணர்வும் - industry versus inferiority (6-12 வயது), 5. . குமரப் பருவம் - அதுவேயாந்தன்மை (தனித்துவமும் - தன்னைப் பற்றிய நிலையான கருத்து), கடமைக்கூற்று முரண்பாடு - identity versus role confusion (12- 18 வயது), 6. முன் முதிர்பருவம் - நெருக்கமும், தனிமையும் - intimacy versus isolation (18- 24 வயது), 7. நடுமுதிர் பருவம் - பெருக்கப் பண்பும், தேங்கி நிற்றலும் - generativity versus stagnation (24 - 54 வயது), 8. பின் முதிர் பருவம் - இணக்கமும் விரக்தியும் (இணக்கமின்மையும்) - integrity versus despair (54 வயதிற்கு மேல் மரிக்கும் வரை).
நம்பிக்கையும் அவநம்பிக்கையும் - trust versus mistrust எரிக்சானின் உள சமூக அபிவிருத்திக் கோட்பாட்டின் முதல்நிலை.